2009的溫馨聖誕大餐

過時過節出去食，唔單止貴，重要唔多唔少迫下人，等下位，受下氣，所以一早決定今晚在屋企煮。


係唔係都好靚呢？





其實食落都唔太差，件牛扒無想像中咁韌, 鵝肝就真係好正！YEAH!!!

-- 鍾師奶流動訊息~

平安夜聖誕大餐@The Derby

咁多力都無一家大細去食過聖誕大餐，今年一早決定要去The Derby試下。

一入去，就收到好多聖誕禮物，真係收到唔好意思，大人、小朋友都有好多，玩具、發光鍊、帽.....


聖誕大餐都好唔錯，$199一份，真係超值，可能pub的對象是外國人較多，所以好大份。

這個麵包蟹唔係個個都可以食架，係老板娘親自送過來給我地試食。 Yummy~!



最後個甜品都好正，總之飽到X~~~~ XD

-- 鍾師奶流動訊息~

鍾氏企業集團仝人祝大家聖誕快樂！

鍾氏企業集團仝人祝大家聖誕快樂！

為隆重期事，本年度特別拍攝一段聖誕短片，請大家細心欣賞。

又整曲奇餅

尋日無出街，Phoebe係咁話要整曲奇餅，我見屋企都重有材料，就整了。

工人話佢係第一次整曲奇，後尾整整下原來都好多，於是放落盒做今日的小息茶點了。



其實總裁都有一小盒架，等佢地帶番學同同學老師分享下自己做的曲奇，就係最開心！




呀豬咩都識畫出來，我搞緊粉時她已經畫好一碟給我了！

-- 鍾師奶流動訊息~

整碧螺春湯圓

今日系drinkazine個活動臨走時，特意帶走自己猜的那舊粉及小許豆沙，因為想兩個傻妹都可以試下搓湯丸。

兩個儍人都整得唔錯，好叻女。



而且一邊整，一邊傻笑，又話似泥膠....


湯丸用碧螺春做，有小小抹茶湯圓feel，而且細細粒容易食，雖然我無用埋碧螺春來做湯，因為怕太濃茶味，唔適合小朋友，只係用薑同黑糖來煮，不過可能由於個粉的份量調教得好適中，所以都幾好味，可以encore架！

-- 鍾師奶流動訊息~

暑假『威尼斯人酒店』三日遊

"Venetian - Aug09"相簿


"威尼斯人渡假村房間"短片

Story Time!

工人走了後，沒有姐姐陪她們兩個睡訓，所以變為由我講故事了。
其實講故事是我的強項，但在家中總是有好多野想搞，所以提唔起勁去每晚都做這項工作。不過現在騎虎難下，雖然花不少時間，但也是一個非常非常好的親子活動。

現在每晚，兩個寶頁都會佈置好睡房，重用iPod Touch播住鋼琴音樂，先邀請我入去講故事的。

爸爸也特意為房間安裝多了一支光管，令房間的光線更好添，真係抵讚！

鍾氏庇護工埸

工人走了，紙兜都差不多用完。
於是尋日教兩位小姐一齊摺兜兜。

間屋即時變到好似庇護工埸咁，今日又見到Phoebe一個人坐系度又摺，真係好勤力的小工人。
~ from鍾C9流動訊息 <3

好玩Juicer

在B&Q重買左這榨汁機，$280，滿足總裁想要個榨汁機的願望。

我當然負責準備生果：蘋果、啤梨、番石榴同西瓜。

我最愛渴蘋果石榴汁，Yammy！

兩個人仔，淨係負責玩同食梗係開心啦！難為總裁要做洗o野個個，所以我一直都唔讚成買榨汁機就係咁解，真係多功夫到暈！

B&Q掃貨

撞正B&Q執笠，一家人掃了唔少平日想買但又唔捨得買的嘢。

兩個都幾乖，幫手拿嘢去停車場。

Charlie 哥哥結婚了

今日帶住兩個寶貝，去看婚禮。

終於找到教堂的位置，今日真係超熱。

兩個竟然話好悶，真係激死！
出來時已經開始落雨，呀豬一上到的士重瞓埋覺。

鍾氏烘焙班~牛油曲奇

今日放工後終於找到那間專賣整餅嘢的舖頭。
那罐傳說中的「金罐牛油」，竟然都有得賣！雖然$32一罐，係貴o的，但係都唔理咁多，因為技術九流，希望用靚料打救！

一共買了$73，就買齊了所有材料，其實小朋友出去玩一次cupcake的烘焙班，都要$80/head(黃金海岸挌水記)，所以今次這個價錢我覺得非常抵玩。

加埋我家中已有的印模、唧袋及小磅，所有工具都齊了，現在只差等呀豬訓醒覺，就可以做了！

兩個都好小心地幫手，最初還是幾有興趣的。

之後做悶了，就交換崗位，合作一下。

但後來麵粉加多了以後，愈來愈搞，篩粉又篩到手倦，所以最後當然係我來埋尾。

搞到差唔多了，就可以叫佢兩個來印模了，這是最好玩的時間。

Phoebe大個女了，已經自己一開始就懂得由個邊位一個個地貼住印，我都讚佢叻女，點知佢聽到後就話：『Hey, I use my brain, I'm eight, OK?!』真係串爆！

看住曲奇焗的樣子，兩個小朋友都好緊張，好彩唔洗一陣就可以食得了。

我就清一式全部做花形。

最後也用唧槍做了六個有Almond的，不過由於好難唧，所以都係整幾個算了。

自己食飽後，當然要預備一盒比公公婆婆啦！重係留起最靚的比佢地架，公公食過後，第一句即話：「今次整曲奇係成功既！」(扮開心大發現)，認真搞笑！

第一次去「大榮華」

聽就聽人講得多，今次都係第一次去試「大榮華」，所以特登打了比呀嫂問佢叫咩好。

圍頭五味雞。這個是全場最好味的！

雞蛋焗魚腸，這是我最想食的，不過覺得只有香脆、沒有甘香的味道。

飽汁魚唇玉掌煲

酥炸魷魚鬚

南乳炒蓮藕片

香煎荔茸餅

炒通菜

奶王馬拉糕

-- Post From my iPhone

美利堅父親節飯

凉伴西芹螺片海蜇

葱油餅

手撕雞粉皮

鍋貼蝦多士

北京片皮鴨

菜戴帽〔炒什菜 再用煎疍蓋面〕

肉鬆燒餅

花素蒸餃

蘋果拔絲

這餐一共$1,4XX/10人，算是又抵食又好食，可以encore之選。

最緊要係味味菜都啱小朋友食，呀豬一個人食了三塊片皮鴨，而且一路食到尾至甜品，真算少有。

-- Post From My iPhone