兩個活寶貝！

睇見你兩個系公園玩得咁開心，真係忍唔住要幫你o地影番一張！

成頭汗個樣重開心！嘻嘻！

呀豬！你又試掉轉o左對鞋著呀！

型！英！帥！靚！正！ ~！！！

正呀！

Phoebe 病o左成個星期呀！

雖然Phoebe不嬲食o野麻麻o地，唔似呀豬大大啖，但係其實好健康、好少病。
今次一病病足成個星期，當中有三、四日都係高燒，成39.X度...
好得人驚！

見佢無得番學已經爻悶、又慘，但係重要每日做總裁帶回家o既功課，燒到個人懞懞o下，除o左粥同麵包又唔可以食其他o野...

算啦！燒o下先會高o既！好番之後就要珍惜健康喇！！！

Sorry! Table for TWO ONLY!!!

兩個女真係長大了！

你睇Phoebe個肚dump！而家佢食好多o野喇！好開胃，唔洗再令人擔心！
呀豬就更加唔洗講，不過只限於食無益o既o野先會又食得又快又多！



現在一個人帶兩個出街都好輕鬆，只係定時迫去兩個去下廁所就OK，因為如果你問佢想唔想去，佢死都話唔想去同無架...
見兩個咁乖，請你o地食下雪糕啦！你睇兩個幾開心，呀豬重開心到影幾次都影唔到個樣，因為太興奮！
見你兩個咁開心，幾十蚊碟雪糕都低番晒啦！
不過最緊要食完唔好咳就得喇！


咁我自己都要嘆o下架，叫番杯朱古力咖啡先！
好正呀！！！

如何培養孩子良好的閱讀習慣？

Phoebe一日到黑都睇書，見到佢咁o既樣一o的都唔奇，但奇就奇在連呀豬都好似好有文有路咁靜靜一個人睇書.....

其實要小朋友喜歡睇書好容易，答案就係爸爸成日都系屋企睇(報紙)先。

不過呢條橋系第二個集團行唔行得捅就唔敢包喇，但係都要多謝爸爸用心良苦

魔盜王玩轉呀豬

呀豬呀！呀豬！

叫你扮公主就唔見你咁神似，你究竟係唔係女仔o黎o架？