杏花試影日

睇吓爸爸幾落力，所以o的相先影得咁靚o羅！
老公，你係得o既！

A Day in Heng Fa Chuen

完整相簿請click相簿連結到picasa觀看

呀豬畫作-極具個人風格!

第一次看到呀豬畫的人象公仔,覺得好可愛之餘,更見她個性的一面

豬呀豬！你畫多o的啦！媽媽真係好鍾意你o的畫呀！！！

啟思開放日

今日是啟思本學期的開放日，呀豬一早就著得靚靚，準備入去玩。
入到去當然係好開心啦！

其實我最唔想每間房的遊戲都玩，但可惜我兩個女就好想每個房內的遊戲都可以玩...

睇見到老師o的咁大形o既製作，都覺得幼稚園老師可能重可憐過小學o個o的...
不過當然我兩個女就好開心同好鍾意。


最開心係可以見到Phoebe低班時的好好好好班主任-文主任，同高班時的好好好好班主任- 陳主任，但好可惜兩位都已經不在杏花幼稚園了！
本來我重一早打算點先可以等Iris讀到文主任同陳主任o個班，真係人算不如天算...
好彩Iris今年的班主任余老師都係好好好好的老師，真係要感謝神的安排！


記得一個月前聽到一個老師的一句話：『現在的教育制度同學校做事方式，只會令愈有心的教師愈受傷害...』
真係令人感慨...

探訪爺爺

今日食完早餐,做完功課同練完小提琴,就出發去沙田.　　先去寶福山拜嫲嫲,再去新城市食pizza ,之後就去爺爺屋企玩同探爺爺.雖然今日幾大風,不過爺爺屋企樓下個公園真係幾好玩B-)希望好快可以再嚟過啦!;-)

Phoebe第二堂學校小提琴課

今堂Phoebe乖了很多,看得出她有用心忍著不隨便說話和談話,所以奬她到柴灣公園玩了一陣.　希望她可以保持就好了.

第一次接呀豬番學同放學

呀豬番o左都成兩個月學，自從九月頭o個兩個星期適應週過後，今次都係第一次正式接佢番學、又接佢放學。比起Phoebe個時，真係無咁緊張了，但係其實媽媽都係好錫你o架！

一番到去，佢就開心到係咁拍o的同學，同同學講：『喂！你睇，呢個係我媽媽呀！』

鬼咩！成日都係工人湊，好似無呀媽咁，梗係襯住有機會重唔講多幾次咩？！

放學喇！第一時間見到佢係系個班房度跳舞，一見到我就好開心，我就梗係第一時間影低佢啦！

帶埋Twyla去接佢，用部電話影下相先。

再o黎多張招牌笑容

對眼仍然係四圍啤

終於望o下鏡頭喇！

你睇呢張幾靚！

嘩！好有少女feel喎。

好喇！媽媽湊你番屋企喇！拖住媽媽啦....

好o既唔靈 ~ ~ ~ ~ ~

Phoebe好番都未夠一個星期，又輪到呀豬。

呀豬重係一開始咳，就夜晚訓唔到覺，第日一睇醫生，醫生已經話情況差到其實要入院...

醫生話係有病毒感染的肺炎，有得選梗係唔入院，於是在疹所聞o左一次氣、集息o左一陣，就租o左部機同帶埋o的藥回家休養...

其實部機已經唔係第一次租番屋企，不過上次o的藥都無咁多同複雜，今次真係搞到屋企好似醫院。

好彩無一隻藥係要飲，唔洗咁煩，對於聞氣，呀豬已經架輕就熟，當o左係玩，所以 除o左半夜要叫醒佢坐系度聞一次，其餘都係好OK。

呀豬呀！呀豬！你快o的好番啦！如果唔係星期二我o地一家人點可以去街街呀？

兩個活寶貝！

睇見你兩個系公園玩得咁開心，真係忍唔住要幫你o地影番一張！

成頭汗個樣重開心！嘻嘻！

呀豬！你又試掉轉o左對鞋著呀！

型！英！帥！靚！正！ ~！！！

正呀！

Phoebe 病o左成個星期呀！

雖然Phoebe不嬲食o野麻麻o地，唔似呀豬大大啖，但係其實好健康、好少病。
今次一病病足成個星期，當中有三、四日都係高燒，成39.X度...
好得人驚！

見佢無得番學已經爻悶、又慘，但係重要每日做總裁帶回家o既功課，燒到個人懞懞o下，除o左粥同麵包又唔可以食其他o野...

算啦！燒o下先會高o既！好番之後就要珍惜健康喇！！！