今次已經是第二次住迪士尼酒店了，主要原因都係因為有半價入住的關係，亦因為咁，所以多人到爆！
從來都未試過Prince Eric Room的Activity會全場爆滿，重要等第二輪先有得坐...
成個泳池人山人海...見到都唔想去游...
等滑梯要起碼等五、六個人先可以有得玩...
不過今次最唔同的，當然是有部大機，可以去玩影相。
兩位小姐的造型我一早已經預備好，呀豬訓醒午覺後，我已經燙好靚裙，可以去玩戶外人像攝影了！
兩個睇起上黎真係好似大細S，好搞笑呀！
今次影得都幾滿意，有幾張可以見得人，好開心今年學會了影相，多謝師傅科學家同事一直教我，現在真係覺得其實唔洗比錢人，都可以幫自己小朋友影得好靚的！！！
無唸過會去咁遠，匆匆忙忙出門口，相機無帶，蚊怕水又無帶…
好彩部手機都可以影得下，唔算差，但就影少好多靚相了！
成五十五蚊(講價後)先可以借一個小時，四個人一架車，好彩都算可以，一邊坐著爸爸踏的車，一邊看公園的風景、海邊，不時傳來陣陣花香、蟬嗚... Phoebe、呀豬，你兩個真係好幸福呀！
你o地一定要記住要乖乖地呀，唔好激爸爸媽媽，努力學習，相親相愛呀...！
去到盡頭，有個『水陸墟』，拍張照留念先。
這裏有得玩騎馬仔，十分有趣，每人$20可玩8分鐘，兩個小朋友都話好好玩，又好！
呀豬玩完食完飯後，一邊行一邊想合埋眼訓覺…好可愛又好得人驚，真係唔想叫你呀豬都唔得！
^.^
買o左架車後，真係多o左好多family outdoor activities，今個星期日就先去了Mega Box，看"觸摸海洋秘境"的3D IMAX電影。
這套電影特別的地方，是很難可以在網上看到有得做同有飛賣，就算去Cityline或UA的網站都是很難可以找到有這套電影的，我前幾日就是負仆仆碌碌的想看看Prince Caspian幾時上畫時，找到這電影是逢星期日的早上十點有一場，幾日後再找、找、找，同樣方法再找、找、找…都已經找不到了！！！
可幸的是應該有一個媽媽在幾日前網上還有得網上售票時訂了兩張票，和仔仔來看，所以才可以開畫，我知道得咁清楚的原因是，當日我們看戲時，就只有這兩母子和我們一家在這所五層樓高的IMAX Theater 中看3D電影！
雖然在迪士尼已看過很多次4D動感米奇，但今次這個看海洋奇觀的電影真是十分好看，活生生的就像真的是已進入了海底世界，清、迫真，比起看太空館的全天域電泉更加震撼！雖然只是短短三十五分鐘，我也覺得能帶小朋友有這一次難忘的經歷，十分值得！
看完戲後，一家人去了太興食早餐，未開始有o野食之前，Phoebe已經急不及待的在她帶來的notebook上寫下感想送給我：
我看後梗係好開心啦，呀豬見Phoebe寫notes，又寫了以下這篇給我：
不過這是呀豬的專用文字，經專家(即佢自己)解譯後，內容是說明好開心可以睇到好多魚，好好睇，多謝媽媽、爸爸！
希望你o地兩個記得這個經驗，以後更有興趣研究和愛護大自然世界，因為我怕就算我想再買多次飛去睇這套戲，都未必可以再買到...！
天氣好，唔熱又有風，人又唔多，都幾舒服。
Phoebe唔該你唔好成日話最想就係番屋企睇電視開冷氣啦！
呀豬，點解你一比蚊咬，就會腫到一舊舊...>_<
我唔理你兩個點講，以後都一定係多o的去自然的郊外地方玩架喇！
好可愛的一間Bakery，感覺好似去了哈理波特活米村中的「蜂密公爵」糖果店一樣！
整間店的設計都很不香港，好like呀！
We will be BACK！！！
今時今日，重點可以接受插唔到USB同聽唔到mp3呢？
其實我o既要求都唔係好高o者！
而聽到mp3，又點可以睇唔到中文歌名的顯示呢？
之不過橫掂都係，我家主人揸主意話睇埋DVD，裝埋數碼接收....
就係咁o羅...
咁辛苦番工(唔係講我），享受下都好應該ｏ既，起碼等車位時無咁悶啦！
媽媽細o個o個時都好恨可以學跳芭蕾舞，可惜無機會，現在見你咁有興趣學跳舞，真係好開心呀！
我知道你真係好喜歡跳舞，見你一邊跳，一邊笑的樣子，真係又可愛，又感動！
你努力跳啦！如果你真係有心機學，媽媽幾多錢都會比你學落去架！
Phoebe's Ballet Grade 1 Preformance:
