『南蓮園池』是公公最愛的公園，上次應承了一定要再來，今次襯約了一家人晚餐到黃大仙食飯，便早個幾小時先出發到這裏再走一次。
一路上，公公向兩位小朋友講樹、解石，婆婆也加入講解以往人的生活，建築…我走在後面影相，覺得這兩個小朋友真係超幸福，希望她們真要好好學乖，長大後也要多珍惜一家人在一起的時間…
摷摷下間屋，先記得原來自己好幾年年曾經系玩具反斗城買了這副自動砌骨排玩具。
一拿出來，Phoebe竟然話係未見過？！呀豬可能當然重係好細，所以話未見過都有可能。
本來唸住呢o的咁考耐性o既玩具係時條比小朋友一齊玩下兼練下耐力...
結果當然係佢o地玩o左一陣就覺得好難，所以只係兩個大人一直堅持落去...
其實好大部份都可以用架牙排車泉動砌出來，不過最衰係我屋企個地，磚與磚之間的隙太大，如果架車咁o岩一放正塊牙排系o個個位，就會即時跌晒...
嘩！唔好睇好似好簡單，都整o既好耐先得架！
終於成功，一、二、三！
好o野！
...呢副o野玩完今次又唔知要等到幾時先會再拿出來玩...
呀豬最鍾意系屋企搞呢搞路，尤其是係搬來搬去o的椅椅，佈置自己o既小天地。
今日我就見佢好辛苦咁搵張被想整個小帳棚，咁我就唸，不如比個巨型攝影棚佢玩啦！
大家睇佢玩得幾開心！
所有佈置都係佢自己一手一腳。
重有兩隻小動物看門口，又會安排埋食物o忝！
呀豬今日好曳，唔係好聽話，但份人又惡又硬頸，叫佢同家姐一把遮，死都唔肯。
又故意踏落o的水度，搞到隻腳又入水，又入沙，佢坐系度捽腳個樣係最搞笑！
佢查唇膏真係好正，所以要影個close up！
個人雖然貪靚，但係又怕熱，又粗魯，現在個樣已經同今朝出門口時相差甚遠...
三伯話佢個樣成個『物度冇』，但我就唔知佢講咩，因為我都無睇佢話o個套劇。
天氣唔係咁好，行了一個圈酒店個花園同遊樂場後，全部人坐在酒店大堂都唔想走，傾下計，影下相都唔錯。
真係有少少好似一齊去o左泰國的感覺。
呀豬次次想爸爸同佢玩，都會『痴痴痴』埋佢度。
總裁其實當然係心甜啦！
其實有時就算有車，都唔知去邊度好o架！雖然這個道理一早就明，但係想兩個小朋友多o的街去，又舒服o的，都係有好o的o既。
這日就係聽同事講element $8一個鐘的泊車費，所以去睇下：
除o左以上這幾支水柱好玩之外，成個商場都係好唔o岩我o地行，間帛舖頭都唔似係你會去買o野o個種，我就當然係入都無入啦！
好彩o個度都有間 Metro Book Shop可以消磨成個幾鐘，事關Phoebe一去到Book shop就會好開心，唔願走，我就成機同呀豬講下故事書，都幾親子，不過總裁當然係已經悶死o左，願本想睇番場戲，都只係賣淨頭三行o既飛，所以都係算數。
唔好講行街，就算想食o野都好似無邊間比較平民化o既食肆，所以呀豬話肚餓時都係一人買了一個麵包比佢就算，水都無得飲... 好可憐！
不過兩個傻妹真係去到邊都有得玩，見到張木頭凳都搞搞震。
算啦！雖然你係$8/鐘，但係我想我都唔會有興趣再黎架喇！
明知是酷熱警告，但為了不讓兩個小朋友失望，都膽粗粗一拖二去暴曬。
又帶公主裙，又帶泳衣，又帶便服，重有傘、水、小食、鞋、外套、太陽油、相機、鏡頭...
老公話我咁辛苦都唔知為咩，但係我唸我重有幾耐日子可以咁帶佢o地去玩呢？
而且童年好快就過，遲o的你叫佢去陪您出街，我唸都好難，點解唔系自己可以的情況下盡量做多o的？
男人當然係唔會明，個個細路女都會想過自己是公主的時候，尤其喜歡打扮到好似一個小公主，雖然我細個的時候無咁o既機會，但現在可以的話，都想自己的女可以一嘗心願。
呀豬這對玻璃鞋，明明係唔o岩著，都硬要著去，最尾當然是兩隻腳都著到甩皮，自己受苦…
Phoebe這條裙，其實已經買了兩年，但唔知點解佢都係仍然o岩著.... 唉！
成三十三度，再加酷熱天氣警告，真係燒焦，所以影了這幾張公主之後，大家都唔想再排隊影相了！
去完小小世界，雪糕店剛剛開門，咁難得近來呀豬無咩咳，好啦，一齊食雪糕開心o下啦！
之後就去了期待以久的UFO zone玩水，你睇呀豬玩得幾開心！
Phoebe重古古怪怪系度跳舞，我就換了支長鏡，坐在老遠捕捉兩隻小傻妹。
玩完已經就死，所以一定要去Corner Cafe食下o野同嘆o下冷氣，兩個人都一人一個兒童餐食晒…勁！
雖然我都知你倆個係幸福得滯，但係今日媽媽可以做到比你o既都盡量做到就做，世事o既o野話唔埋，一家人開心o既時間未必你想要就有，點解要在這些地方吝嗇呢？！
我唔想比自己有機會去後悔，我選擇今日就做到最好，希望你倆個小朋友大過以後明白，做人做事都要盡心盡力，做個有用的人！
今個父親節，係一個有車的父親節，於是父親唯有做埋司機接送大家去四圍玩。
第一站：九龍城 清真牛肉麵
這裏的牛肉餅、牛三併、咖喱…等都是公公婆婆的至愛，去到等了約十五分鐘，坐得又逼，不過好食，都無計啦。
第二站
九龍城單車場
我同兩位小姐各租了一部單車，唸住可以比公公、婆婆同我夫君大人逗逗去行下街，但係結果係我自己搞唔掂自己之餘，更故然係顧唔掂兩位小姐，於是我夫君唯有成為一部人肉推車機...在三十多度的天氣下和晚晚煲國家杯唔夠訓的精神下...乾燒了半小時…
第三站
南蓮園池
去完踏單車，呀豬同Phoebe已經在車睡得很甜，由於公公想去南蓮園池看樹，所以大就在車上等，我同公公去行了一圈。
一邊行，我老豆一邊在講樹講石，看得出他真是很想來，和很喜歡這些充滿中國色彩公園的地方，我問佢點解知得咁清楚，佢話都是在報紙上看的。
好啦！今次算係探路，下次有時間，天氣無咁熱時，同你再來講，慢慢行，慢慢影！
第四站
西貢
當然亦順度去行下西貢用三舨賣海鮮的海邊，行下盧冠庭間舖頭，同玩下公園內的遊樂設施。
去到海邊的海鮮酒家時，只係唸到兩個terms ：『掠水』同『殘忍』，我當然借此向Phoebe講解環保的重要性。
這張相的背後，其實是一個養了鯊魚的魚缸，公公經常同兩位玩扮鯊魚遊戲，當然要在此與真鯊魚合照一張！
總括全日來講，其實是兒童節、或公公節，怎樣也算不上是父親節，我可憐的夫君大人，我真係對你唔住... >_<
今次已經是第二次住迪士尼酒店了，主要原因都係因為有半價入住的關係，亦因為咁，所以多人到爆！
從來都未試過Prince Eric Room的Activity會全場爆滿，重要等第二輪先有得坐...
成個泳池人山人海...見到都唔想去游...
等滑梯要起碼等五、六個人先可以有得玩...
不過今次最唔同的，當然是有部大機，可以去玩影相。
兩位小姐的造型我一早已經預備好，呀豬訓醒午覺後，我已經燙好靚裙，可以去玩戶外人像攝影了！
兩個睇起上黎真係好似大細S，好搞笑呀！
今次影得都幾滿意，有幾張可以見得人，好開心今年學會了影相，多謝師傅科學家同事一直教我，現在真係覺得其實唔洗比錢人，都可以幫自己小朋友影得好靚的！！！
無唸過會去咁遠，匆匆忙忙出門口，相機無帶，蚊怕水又無帶…
好彩部手機都可以影得下，唔算差，但就影少好多靚相了！
成五十五蚊(講價後)先可以借一個小時，四個人一架車，好彩都算可以，一邊坐著爸爸踏的車，一邊看公園的風景、海邊，不時傳來陣陣花香、蟬嗚... Phoebe、呀豬，你兩個真係好幸福呀！
你o地一定要記住要乖乖地呀，唔好激爸爸媽媽，努力學習，相親相愛呀...！
去到盡頭，有個『水陸墟』，拍張照留念先。
這裏有得玩騎馬仔，十分有趣，每人$20可玩8分鐘，兩個小朋友都話好好玩，又好！
呀豬玩完食完飯後，一邊行一邊想合埋眼訓覺…好可愛又好得人驚，真係唔想叫你呀豬都唔得！
^.^
