2007年12月23日星期日
2007年11月26日星期一
再戰杏花邨
星期日,襯住天氣好,又唔想去太遠(始終呀豬啱啱病好),再影杏花邨。
今次多了公公一齊同兩個傻人玩,所以氣氛好好,我覺得有幾張都幾靚,唔知大家覺得有無步呢?
請click以下相簿慢慢觀看相片:
Again in Heng Fa |
發佈者: Marie 於 11/26/2007 02:10:00 下午 0 留言
星期六影夜景
星期六晚想試吓影夜景,於是六點就出發去尖沙咀。
食完晚飯即時去海旁睇幼彩耀香港,睇完就梗係影吓夜景啦!
源住星光大道行到去尖東個噴水池,重見到「同事三分親系厚拍緊」,於是就去同Yoyo影o左一張企照。
Phoebe第一次見到明星,好開心呀!
發佈者: Marie 於 11/26/2007 09:47:00 上午 0 留言
2007年11月24日星期六
好番喇!去旅行喇!
星期四晚成八點幾先出院,第二日一早就去旅行喇!
因為係呀豬第一次同學校o既小朋友一齊去親子旅行,點可以錯過呢?!
我當然都一定一定會請假陪佢去啦,重帶埋部大機佢影佢開開心心個樣,真係好喇!
當日照片可以click以下相簿慢慢睇:
Creative Kindergart |
發佈者: Marie 於 11/24/2007 12:43:00 下午 0 留言
呀豬第二次入院
因為睇開個醫生以為病o左,入養和門疹個醫生開o的藥又唔o岩,晚上食唔到、飲唔到、瞓唔到...終於要再入養和門疹,門疹醫生見咁o既情況都即時叫佢入院...
入到醫院慘就梗係唔洗講,重要無任何痲醉情況下吉針、抽血、抽鼻、照肺、吊葡萄糖...
由於都咳到入唔到o野,所以血管收窄,血又濃,吉o左好多次、又吉第二個位,又吉多幾次,先搵到血管...
呀豬其實份人好頂得痛,但係見到都覺得好可憐!
人o地已經鬼唔唔舒服先入院,重比你o地咁搞法,真係攞命!!!
好彩睇開o既楊醫生一聽到呀豬個名,就記得,重九點幾都嚟多醫院一次睇佢。
每日系張兒童病床就係咁樣,第一日每兩個鐘要聞一次氣、第二日就每三個鐘聞一次,其餘時間就係食藥、探熱、夾手指、去廁所、食o野....
總之係好悶...
記得第一次入院時呀豬好驚個吸氣罩,死都唔肯吸,真係令人又激又傷心,但係呢次已經好熟手,如果唔係瞓咗,次次都可以自己搞掂,不過如果佢扭計時就梗係另計啦!
有時真係悶得滯,無咩好玩,佢就張張床搞高搞底,又喱系床後面唔肯出嚟。
但係一見到醫生就好開心,即時扮到好鬼乖,醫生話咩就咩。
第二日婆婆都有嚟幫手,但係有時人愈多,佢就愈扭計。
好彩只係吊咗一包糖水,因為第二日呀豬已經開始食番好多o野喇,所以話呀豬即係呀豬。
爸爸就梗係要晚晚來探病啦!等我有得逗吓都好啩?!
每次夾手指我都好緊張,因為含氧量要過95先代表個肺好番同正常,如果唔係就唔可以出院,所以每次量完有96、97我都會恭喜呀豬,重同佢握吓隻怪獸手㖭!
好多時佢都會去遊戲角度玩,雖然無咩好o既玩具,但感覺唔似系醫院,所以起碼好過系張病床度。
第二晚呀豬已經瞓得好好,成晚好多個同房小朋友喊佢都無動於衷,見佢瞓到我都安落喇。
其實第一晚入院時發燒外,第二日開始已經退晒燒,如果燒唔退,即係消唔到炎,一定出唔到院,所以真係謝天謝地。
今次入院好彩我可以請假陪佢,其實在小朋友有事時可以有時間陪佢,真係好幸福,以前o個份都唔知係咩鬼工嚟架!!!!
發佈者: Marie 於 11/24/2007 08:59:00 上午 0 留言
標籤: Iris
2007年11月20日星期二
2007年11月19日星期一
城門水塘之旅
買了相機第二日,想到外面郊外影一下,便老遠去了城門水塘了。
沿途見到拿大機、紅圈鏡的人比比皆是,真係嚇親。
我o地只有一支50mm 1.8/f人像鏡,想影wide D都要用部手機代勞。
雖然比馬騮嚇親又行得好辛苦(兩個小朋友),但係總算有一個難忘的經歷,現在的小孩很小機會到大自然舒展一下身體。我想,有機會要再去多幾次,讓她們習慣一下!
當日的相可以到picasa慢慢觀看:
A Day at the Shing Mun Reservoir |
發佈者: Marie 於 11/19/2007 03:40:00 下午 0 留言
啟思家長日
協助醫生
扮媽媽抱寶寶去診所看醫生
雖然一直對呀豬沒有抱甚麼大期望,但看到她原來在學校學了這麼多,覺得真係好開心!!!
發佈者: Marie 於 11/19/2007 03:33:00 上午 0 留言
2007年11月18日星期日
2007年11月15日星期四
2007年11月13日星期二
2007年11月11日星期日
2007年10月27日星期六
2007年10月26日星期五
第一次接呀豬番學同放學
呀豬番o左都成兩個月學,自從九月頭o個兩個星期適應週過後,今次都係第一次正式接佢番學、又接佢放學。比起Phoebe個時,真係無咁緊張了,但係其實媽媽都係好錫你o架!
一番到去,佢就開心到係咁拍o的同學,同同學講:『喂!你睇,呢個係我媽媽呀!』
再o黎多張招牌笑容
你睇呢張幾靚!
嘩!好有少女feel喎。
發佈者: Marie 於 10/26/2007 02:24:00 下午 0 留言