出旺角巔足一日

今日同兩個女出旺角巔足一日，難得的是今次竟然是兩個陪我買嘢多過我買比佢哋。
兩個咁乖，梗係要請佢哋食雪糕啦。

朗豪坊地庫間supermarket重有小朋友手推車玩，可以止下咳。



夜晚重約了Charlie兩公婆一齊食Pizza Hut, 巔到八點三先番屋企，去街去到兩個怕怕。

鍾氏庇護工埸

工人走了，紙兜都差不多用完。
於是尋日教兩位小姐一齊摺兜兜。

間屋即時變到好似庇護工埸咁，今日又見到Phoebe一個人坐系度又摺，真係好勤力的小工人。
~ from鍾C9流動訊息 <3

好玩Juicer

在B&Q重買左這榨汁機，$280，滿足總裁想要個榨汁機的願望。

我當然負責準備生果：蘋果、啤梨、番石榴同西瓜。

我最愛渴蘋果石榴汁，Yammy！

兩個人仔，淨係負責玩同食梗係開心啦！難為總裁要做洗o野個個，所以我一直都唔讚成買榨汁機就係咁解，真係多功夫到暈！

B&Q掃貨

撞正B&Q執笠，一家人掃了唔少平日想買但又唔捨得買的嘢。

兩個都幾乖，幫手拿嘢去停車場。

Harry Potter and the Half Blood Prince

今日帶埋Phoebe去IMAX 看Harry Potter and the Half-blood Prince的3D Movie.

好明顯，Phoebe是全屋最看得多Harry Potter小說的super fan, 所以今次破例帶埋佢。

套戲兩個半鐘頭，但Phoebe竟然無去過厠所，遇到我看不明白的地方，還要問看不明中文字幕的她，真係唔知咩世界。

今晚更要多謝萍萍姐姐同亞大，幫忙照顧了呀豬半天。

豬文

英國有英文；中國有中文；呀豬有豬文。

你估下.......

答案：日頭無煙花；夜晚有煙花；Sometimes 重有shooting Star.

問你服未？！

呀豬幫手買豬骨

今日試下叫呀豬一個人落街幫手買豬骨煲湯。
佢好開心，又有自信，一個人急急腳咁就say goodbye 了。

好聽話用了最安全的路線。




非常搞笑




大成功！

我當然靜靜在後面跟住啦。

Charlie 哥哥結婚了

今日帶住兩個寶貝，去看婚禮。

終於找到教堂的位置，今日真係超熱。

兩個竟然話好悶，真係激死！
出來時已經開始落雨，呀豬一上到的士重瞓埋覺。

鍾氏烘焙班~牛油曲奇

今日放工後終於找到那間專賣整餅嘢的舖頭。
那罐傳說中的「金罐牛油」，竟然都有得賣！雖然$32一罐，係貴o的，但係都唔理咁多，因為技術九流，希望用靚料打救！

一共買了$73，就買齊了所有材料，其實小朋友出去玩一次cupcake的烘焙班，都要$80/head(黃金海岸挌水記)，所以今次這個價錢我覺得非常抵玩。

加埋我家中已有的印模、唧袋及小磅，所有工具都齊了，現在只差等呀豬訓醒覺，就可以做了！

兩個都好小心地幫手，最初還是幾有興趣的。

之後做悶了，就交換崗位，合作一下。

但後來麵粉加多了以後，愈來愈搞，篩粉又篩到手倦，所以最後當然係我來埋尾。

搞到差唔多了，就可以叫佢兩個來印模了，這是最好玩的時間。

Phoebe大個女了，已經自己一開始就懂得由個邊位一個個地貼住印，我都讚佢叻女，點知佢聽到後就話：『Hey, I use my brain, I'm eight, OK?!』真係串爆！

看住曲奇焗的樣子，兩個小朋友都好緊張，好彩唔洗一陣就可以食得了。

我就清一式全部做花形。

最後也用唧槍做了六個有Almond的，不過由於好難唧，所以都係整幾個算了。

自己食飽後，當然要預備一盒比公公婆婆啦！重係留起最靚的比佢地架，公公食過後，第一句即話：「今次整曲奇係成功既！」(扮開心大發現)，認真搞笑！