過時過節出去食，唔單止貴，重要唔多唔少迫下人，等下位，受下氣，所以一早決定今晚在屋企煮。
係唔係都好靚呢？
其實食落都唔太差，件牛扒無想像中咁韌, 鵝肝就真係好正！YEAH!!!
-- 鍾師奶流動訊息~
咁多力都無一家大細去食過聖誕大餐，今年一早決定要去The Derby試下。
呀豬叫咗好耐話要整gingerbreadman, 自從惡夢事件後，佢已經變咗我條命，所以咩都應承佢。
準備好哂材料
尋日無出街，Phoebe係咁話要整曲奇餅，我見屋企都重有材料，就整了。
今日下午，總裁終於完成多個星期以來的心願，就係去釣魚。
他只去了樓下三個小時左右，回來時見他非常高興，就知他今日收獲唔錯。
大家睇睇他的收獲啦。
沙鐈魚，中華沙鐈
同場重有一條紅魚及兩條泥鐈仔架。睇片啦！
今日系drinkazine個活動臨走時，特意帶走自己猜的那舊粉及小許豆沙，因為想兩個傻妹都可以試下搓湯丸。
呢套書真係好正，自從上次去public library 借過一本 "a smart girl's guide to manners", 就好想睇埋其他series。不過找暈都只係得一本有得借，於是就好想找來買。
香港都無一間書局有得賣，只有amzon有找到，連買開書的bookcloseouts都無得賣，最後就上PaddyField先見到有得訂。PaddyField雖然計 1USD=8HKD，總好過一般書店賣1USD=10HKD, 而且買滿HKD200，可以有免費速遞到屋企，算是合理。
介紹一下這套書, 其實我查過這個series大概有十多本，不過有些唔係咁識合小朋友的，我就選了以下八個topics:
這幾個topic都算非常實用，每本一百頁左右，而且是全彩頁。Phoebe最感興趣的，當然是 "a smart girl's guide to boys"，雖然對她來說可能早了一點，但她己經對拍拖的事非常好奇，所以早一點給她一個正確的解譯也不錯。
和總裁食完煲仔飯回家，一進門就看到這張字條。
三嫂今日開刀生BB了！是個七磅一的女仔，Phoebe和Iris有多一個堂妹了！
丁丁特意提早放工，車我到旺角買花及補品。BB出生，真是一件令全個家族都很興奮的事！
今日工人放假，一接呀豬放學，呀豬就話我尋日應承送一份禮物比佢，於是入了文具店選。
佢話要一本有鎖的記事簿，因為 Phoebe 都有 ，一選，就選了這本$125的 Hello Kitty 日記簿。
以下係我倆之後的對話：
豬：唔~我好想要呢本呀！
媽：你要來做咩喎，你都唔識字，等你大個識寫多的字，先買啦！
豬：我可以問家姐架o麻！
媽：咁你都問家姐，家姐都知你講咩啦，洗咩有鎖喎？
豬：佢可以知架，佢係我地o既family o黎架o麻。
媽：咁你本日記都係放系屋企，個個都係你o既family ，都唔洗買有鎖架啦。
豬：但係我唔想比爸爸睇到.....
媽：咁爸爸唔係你family咩？你想寫咩唔想比爸爸知呀？
豬：唔~~~~我想寫平時爸爸味o個o的o羅......
媽：.........
(無言，不過最後都係唔買，因為太貴. )
工人走了後，沒有姐姐陪她們兩個睡訓，所以變為由我講故事了。
其實講故事是我的強項，但在家中總是有好多野想搞，所以提唔起勁去每晚都做這項工作。不過現在騎虎難下，雖然花不少時間，但也是一個非常非常好的親子活動。
現在每晚，兩個寶頁都會佈置好睡房，重用iPod Touch播住鋼琴音樂，先邀請我入去講故事的。
爸爸也特意為房間安裝多了一支光管，令房間的光線更好添，真係抵讚！
Phoebe受街坊朋友仔同學校影響，近來愛上了跳繩，對於這項有益身心的活動，我當然非常支持，今日在Spotlight買了條新(已經是她第三條跳繩)後，就不停跳，後來重發展到同呀豬玩雙人跳繩。
非常搞笑！
這個暑假實在太長，成日要諗方法娛樂兩位寶貝，真係救命。
前幾日，呀豬問我：『點先可以賺到錢架？』就比我諗到條好計！
Phoebe英文超班，叫她教呀豬，我咪可以慳水慳力？！
於是.........
每教一版Hooked on Phonics ~ Phoebe 得$2，如果加埋有心機讚妹妹的話就$3；呀豬比心機學，可以自己讀得番比我聽得$1.
試了幾日，都好成功，希望兩個可以繼續就好了！
呀豬病了，Phoebe 當然好吃醋，不過今次都算好乖，竟然識得用正面的方法去幫手餵呀豬。
減輕父母的辛勞，也當然唔洗見到呀豬有媽媽餵的場面......
Phoebe，唔該晒妳呀！妳今次真係做得好好呀，愈來愈似家姐仔了！Well Done!!!
呀豬這個傻妹，一係唔病，次次病親都嚇死人，今朝一早起身，就痾了一次，嘔了四次，連飲啖水都嘔突黃膽水出來，真係嚇到我鼻哥洞都無肉！
唔理咁多，一於找佢睇開個兒科，楊寶琪醫生。
這個醫生由呀豬兩歲幾第一次入院時睇到而家，由於佢份人病到就來死都會忍住，重會照食照訓，所以十分得人驚，唔敢睇普通的街坊醫生。命仔緊要，所以唯有睇開o的錢。
貴都係有原因的，除了地點方便之外，重好大地方，有好多玩具，也有個大電視長期放Disney Playhouse Channel.....等等，去按撫家長的心理.....嗚.....
醫生留意到佢個鼻有些損了，發現佢除了氣管敏感外，重有鼻敏感，所以開埋鼻敏感藥，有需要時服。咁就千幾銀，真係無奈.....
前幾日行吉之島十蚊店時，買了頂草帽，之後執床下底時，又找到個毛毛狗公仔的盒。
呀豬就係靠這難件度具，自創了一個英國少女的造型，佢本人是十分之enjoy，重行到扭扭下，十分搞野，我也配合一下她，不停讚佢可愛、斯文同好靚之類，令佢有上了身的效果，同平日扎扎跳的她剃若兩人。
請各位慢慢欣賞：
今日同兩個女出旺角巔足一日，難得的是今次竟然是兩個陪我買嘢多過我買比佢哋。
兩個咁乖，梗係要請佢哋食雪糕啦。
