Hello Kitty 有鎖日記簿

今日工人放假，一接呀豬放學，呀豬就話我尋日應承送一份禮物比佢，於是入了文具店選。
佢話要一本有鎖的記事簿，因為 Phoebe 都有 ，一選，就選了這本$125的 Hello Kitty 日記簿。

以下係我倆之後的對話：

豬：唔~我好想要呢本呀！
媽：你要來做咩喎，你都唔識字，等你大個識寫多的字，先買啦！
豬：我可以問家姐架o麻！
媽：咁你都問家姐，家姐都知你講咩啦，洗咩有鎖喎？
豬：佢可以知架，佢係我地o既family o黎架o麻。
媽：咁你本日記都係放系屋企，個個都係你o既family ，都唔洗買有鎖架啦。
豬：但係我唔想比爸爸睇到.....
媽：咁爸爸唔係你family咩？你想寫咩唔想比爸爸知呀？
豬：唔~~~~我想寫平時爸爸味o個o的o羅......
媽：.........
(無言，不過最後都係唔買，因為太貴. )