海港城 ~ 中僕號一遊

睇報紙同聽人講，都知道"中僕號"來o左香港，今次有機會去看一看當然好開心。兩個小朋友成日在海邊看到大船經過，次次都問幾時可以坐船去玩，今次雖然隻船只是停泊在碼頭，不會行走，但係上咁大o既船都係頭一次。

一上到船已經好開心，在船尾的位置見到有個姐姐幫人畫圖案在手上，於是立刻就去排隊。
在排隊等畫手的其間，船板上有個台灣人用英語講福立，她無論寫字的方法及講福音的方式都好特別，令我留下深刻的印象。
終於排到了，等了起碼都有20-25分鐘，而且其實天氣非常熱，兩個小朋友都排到成頭汗。
姐姐幫Phoebe畫了一個和她一樣的小女孩，還加了她的名字和心心，真是畫得好靚！

見佢等了咁耐，重系另一隻手畫多一個有對翼的心。

到o左呀豬喇，佢真係睇唔出會咁有耐性，佢都畫了一個心，還加了自己 個名，都一樣好靚。

你睇呀豬幾開心！不過佢由於份人比較不修篇幅，所以好快就用畫了圖畫的手去四圍摸，一陣個心已經變型了，哈哈！
走到船中間的地方，有個比人用來捐錢的大漏斗，圓形的錢放進去後，會轉幾十個圈，跟住聽到"咚"一聲，這個簡直是十分能吸引小朋友叫父母捐錢的方法，很多小朋友圍在一起，一人一個的入錢及看錢滾進去，非常有趣！
今次因為實在太熱，所以沒有心情慢慢看書選書。書，我還是喜歡坐在家中，在網上選購。但兩個小朋友在船上的這次經歷，真是十分寶貴！